Rəsmi Bakı 58 xarici jurnalisti "qara siyahı"dan çıxardı - ADLAR

Oxunma vaxtı:4 Dəqiqə, 32 Saniyə

Xarici İşlər Nazirliyi, Azərbaycan Mətbuat Şurası və Medianın İnkişafı Agentliyi Azərbaycan ərazilərinə qanunsuz səfər etmiş bəzi xarici media nümayəndələrinin “qara siyahı”dan çıxarılması ilə bağlı bəyanat yayıb.

Milli.Az xəbər verir ki, 22 iyul-Milli Mətbuat və Jurnalistika Günü münasibətilə Azərbaycan ərazilərinə qanunsuz səfər etmiş xarici vətəndaşların siyahısından bəzi şəxslərin adlarının çıxarılması barədə bəyanatın tam mətni aşağıdakı kimidir:

“Bu il Azərbaycanda milli mətbuatın yaranmasının 148 illiyi qeyd olunur.

Milli mətbuatımızın ilk nümunəsi kimi 1875-ci il iyulun 22-də görkəmli ziyalı, publisist Həsən bəy Zərdabi tərəfindən Azərbaycan dilində nəşr olunmağa başlamış “Əkinçi” qəzetindən əsasını götürən müasir Azərbaycan mətbuatı ölkəmizin bütün sahələrdə əldə etdiyi nailiyyətlərə uyğun
şəkildə öz inkişaf dövrünü yaşayır.

Bu gün müstəqillik yolu ilə inamla irəliləyən və hərtərəfli inkişaf edən Azərbaycanda ölkə Konstitusiyası və “Media Qanunu çərçivəsində ifadə və mətbuat azadlığı, jurnalistlərin informasiya toplamaq hüququ təmin olunur, bu sahənin inkişafı ilə bağlı bir sıra uğurlu layihələr hayata keçirilir. Azərbaycanda informasiya məkanında pluralizm prinsipi əsas götürülərək yerli və xarici media subyektlərinin təmsilçilərinin fəaliyyətinə hər cür şərait yaradılır.

Jurnalistlərin tərəfsizlik və obyektivlik prinsipləri əsas götürülməklə fəaliyyətlərinin dəstəklənməsi ölkəmizin əsas prioritetlərindəndir. Medianın bu missiyanı qanunvericiliyə zidd olmayan üsullarla həyata keçirməsi olduqca vacib amillərdəndir.

Milli jurnalistikanın ölkəmizin xarici siyasət maraqlarına aid olan məsələlər, xüsusilə Azərbaycan- Ermənistan sülh prosesi kimi istiqamətlərdə ölkəmizin həqiqətlərinin beynəlxalq auditoriyaya çatdırılmasında, region va onun hüdudlarından kənarda informasiya məkanının formaşdırılmasında, xarici mənfi ideoloji təsirlərin fonunda milli informasiya təhlükəsizliyinin təmin olunmasında danılmaz rolu var.

Bu məqsədlə xarici jurnalistlərin Azərbaycana səfərlərinin təşkili əsas fəaliyyət sahələrindəndir. Həm Ermənistanın 30 ilə yaxın müddətdə Azərbaycan ərazilərinin işğalı dövründə, həm də Vətən müharibəsindən sonra regiona yüzlərlə jurnalist səfər ediblər. Bununla yanaşı, bir sıra əcnəbi jurnalistlərin Azərbaycan hökumətinin icazəsi olmadan keçmiş işğal altında olan ərazilərimizə səfərlər həyata keçirdiyi, bir çox hallarda, belə səfərlərin həmin şəxslərin məlumatsızlığı nəticəsində baş verdiyi bəllidir.

Məlum olduğu kimi, beynəlxalq təcrübəyə uyğun olaraq, Azərbaycanın milli və beynəlxalq qanunvericiliyinin kobud şəkildə pozulması ilə nəticələnən hər hansı bir səfərdə iştirak edən şəxs Azərbaycanda arzuolunmaz şəxs kimi müvafiq olaraq Azərbaycan ərazilərinə qanunsuz səfər etmiş xarici vətəndaşların siyahısına daxil edilir. Bununla yanaşı, hər il onlarla saxs bu siyahıdan adlarının çıxarılması məqsədilə Azərbaycan hökumətinə rəsmi üzrxahlıq məktubları ünvanlayır və müraciətlər məqsədəuyğun hesab ediləcəyi təqdirdə, onların adları siyahıdan çıxarılır.

Bu il “Heydər Əliyev ili çərçivəsində və Azərbaycan Respublikasında milli mətbuatin yaranmasının 148 illiyində Azərbaycan tərəfi keçmiş işğal olunmuş ərazilərə qanunsuz səfər etmiş 58 nəfər xarici media nümayəndələrinin adlarının bu siyahıdan çıxarılmasına dair qərar qəbul edib. Beləliklə, adları dərc olunan şəxslərin Azərbaycan ərazisinə daxil olmasına qoyulan qadağa aradan qaldırılıb”.

Azərbaycan Respublikasının ərazilərinə qanunsuz səfər etmiş xarici vətəndaşların siyahısından adları çıxarılmış bəzi media nümayəndələrinin siyahısı:

N:	Ad və soyadın orijinal yazılışı	Vətəndaşlığı	Cinsi		Doğum tarixi	Məlumat	Siyahıya salınması üçün əsas (qanunsuz səfərin tarixi)
1	Адарья Гуштын	Belarus Respublikası	Qadın	–		Jurnalist	25 may 2016-cı il
2	Ahto Lobjakas	Estoniya Respublikası	Kişi	23.10.1970	“Postimees”-in kolumnisti	07 avqust 2014-cü il
3	Alex DomenechPascual	İspaniya Krallığı	Kişi	16.12.1993	Fotoqraf	Sentyabr 2016-cı il
4	Александр Колесниченко	Rusiya Federasiyası	Kişi	–		“Аргументы и факты” qəzetinin müxbiri	18-23 Mart 2015-ci il
5	АлександрВиноградов	Rusiya Federasiyası	Kişi	–		“Авторевю” jurnalınınmüxbiri	5 noyabr 2012-ci il
6	AnastasiaVlasova	Ukrayna	Qadın	–		Jurnalist	13 may 2016-cı il
7	Andreas Brenner	Almaniya FederativRespublikası	Kişi	16.08.1971	Jurnalist	–
8	Andreas Zecher	Almaniya Federativ Respublikası	Kişi	1953	Jurnalist	–
9	AndreasSchneitter	İsveçrəKonfederasiyası	Kişi	1978	Jurnalist	Sentyabr 2011-ci il
10	Анна Мамонова	Ukrayna	Qadın	1984	“КомсомольскаяПравда” qəzetinin müxbiri	7-8 sentyabr 2010-cu il
11	BesoKhvedelidze	Gürcüstan	Kişi	18.12.1872	“Ədəbi palitra” jurnalınınredaktoru	21 mart 2012-ci il

12	Danev Hrissimir Jordanov	Bolqarıstan Respublikası	Kişi	24.09.1955	Bolqarıstan Milli Televiziyasının operatoru	Noyabr 2012-ci il
13	ДмитрийАлександрович Бавырин	Rusiya Federasiyası	Kişi	–	“ÜDM” (“ВВП”) jurnalınınbaş redaktorunun müavini	–
14	Elena DanielaDumitru	Rumıniya Respublikası	Qadın	14.11.1985	“Adevarul” qəzetininjurnalisti	18-23 Mart 2015-ci il
15	Francesko Manca	İtaliya Respublikası	Kişi	11.08.1961	Operator jurnalist	İyul 2011-ci il
16	Fjodor Simmul	Almaniya FederativRespublikası	Kişi	–	“ARD” ictimaiteleviziyasının operatoru	2016-cı il
17	Holger Diedrich	Almaniya FederativRespublikası	Kişi	–	Fotoqraf	May 2015-ci il
18	Javier ColasEscalera	İspaniya Krallığı	Kişi	22.12.1982	Jurnalist	May 2016-ci il
19	Иван Прозоров	Rusiya Federasiyası	Kişi	11.01.1976	“Первый Канал”telekanalının müxbiri	3 aprel 2016-cı il
20	Jose Luis Santos	PortuqaliyaRespublikası	Kişi	1980	Yazar səyahətçi	May 2015-ci il
21	КонстантинСорокин	Rusiya Federasiyası	Kişi	–	“Авторевю” jurnalınınmüxbiri	5 noyabr 2012-ci il
22	Lena Mucha	Almaniya Federativ Respublikası	Qadın	19.03.1983	Fotoqraf	13 sentyabr 2016-cı il
23	ЛюдмилаДеменкова	Belarus Respublikası	Qadın	–	Bloqer	Mart 2016-cı il
24	Mark John Stratton	Böyük Britaniya və Şimalı İrlandiya	Kişi	03.07.1970	Sərbəst fotoqraf	Sentyabr 2014-cü il
25	Marko Pogacar	Xorvatiya Respublikası	Kişi	1984	“Quorum” və “Zarez”jurnallarının baş redaktoru, yazıçı	2011-ci il
26	Marco Barbieri	İtaliya Respublikası	Kişi	21.08.1961	Bloqer	Avqust 2015-ci il
27	Martin Theis	Almaniya FederativRespublikası	Kişi	1985	Sərbəst jurnalist	Mart 2016-cı il

28	Monika Horakova	Çex Respublikası	Qadın		Çexiya radiosunun əməkdaşı	18-23 Mart 2015-ci il
29	Naomi Conrad	Almaniya FederativRespublikası	Qadın	05.05.1983	“Deutsche Welle”- ninmüxbiri	1 sentyabr 2016-cı il
30	Novak Tamas	Macarıstan	Kişi	29.01.1990	Jurnalist	–
31	ОлександраРыжакова	Rusiya Federasiyası	Qadın	–	Jurnalist/ ictimai xadim	25-30 avqust 2013-cüil
32	Oleq Kulik	Ukrayna	Kişi	31.05.1969	“ICTV” telekanalının müxbiri	7-8 sentyabr 2010-cu il
33	Rui BarbosaBatista	PortuqaliyaRespublikası	Kişi	17.11.1970	Bloqer	2008-ci il
34	Slawomir Zagorski	Polşa Respublikası	Kişi	–	http://facet.interia.pl/ saytının müxbiri	2016-cı il
35	Stefanno Bizzarri	İtaliya Respublikası	Kişi	–	Operator jurnalist	İyul 2011-ci il
36	Shioban Gets	Avstriya Respublikası	Qadın	–	“Wieneer Zeitung”qəzetinin müxbiri	3 may 2016-cı il
37	Dietmar Schumann	Almaniya Federativ Respublikası	Kişi	17.03.1951	“ZDF” televiziyasının Berlin bürosunun redaktoru	–
38	Татьяна Козак	Ukrayna	Qadın	–	Jurnalist	May 2016-cı il
39	Thomas Schmid	Almaniya FederativRespublikası	Kişi		“Berliner Zeitung”qəzetinin jurnalisti	May 2015-ci il
40	Jakob Schnetz	Almaniya FederativRespublikası	Kişi	1991	Sərbəst fotojurnalist	Mart 2016-cı il
41	Evgeni Genov	Bolqarıstan Respublikası	Kişi	19.11.1988	Bolqarıstanın “BTV” telekanalının operatoru	7-15 may 2016-cı il
42	Julia Prosinger	Almaniya FederativRespublikası	Qadın	1985	“Der Tagesspiegel”qəzetinin jurnalisti	Sentyabr 2013-cü il
43	Zeidler Meik	Almaniya FederativRespublikası	Kişi	24.01.1960	“ZDF” telekanalınınmüxbiri	–

44	Famega Syavira Putri	İndoneziya Respublikası	Qadın	11.07.1985	Jurnalist	Oktyabr 2016-cı il
45	СветланаКурчитская	Rusiya Federasiyası	Qadın	–	Rusiyanın “Leninqrad”televiziya kanalının jurnalisti	–
46	Gus Palmer		Kişi	–	“Al Jazeera” telekanalınınmüxbiri	9-13 fevral 2018-ci il
47	Sina Bohsung	Almaniya FederativRespublikası	Qadın	–	Bloqer	22 sentyabr 2018-ci il
48	Niels Angne	Almaniya FederativRespublikası	Kişi	–	Bloqer	–
49	DeepanshuSangwan	Hindistan	Kişi	09.11.1993	Səyyah-bloger.	10 İyul 2018-ci il
50	SandijsSemjonovs	Latviya Respublikası	Kişi	–	Jurnalist	Avqust 2018-ci il
51	Mark Hegeval	Almaniya FederativRespublikası	kişi	1972	Markmobil səyahətbloqunun müəllifi	2019-cu il
52	АндрейБаклашов	Rusiya Federasiyası	kişi	19.03.1985	alpinist, velosipedçi,blogerdir.	Avqust 2019-cu il
53	Bruno Pontiggia	İtaliya Respublikası	kişi	1990	Səyyah-bloger.	Oktyabr 2019-cu il
54	Shota Ueno	Yaponiya	kişi	–	Səyyah-bloger	Oktyabr 2019-cu il
55	Dudu Yang	Çin (Avstraliyadayaşayır)	qadın	–	Bloger və musiqiçi	Noyabr 2019-cu il
56	Noriko Sumiya	Yaponiya	qadın	–	Bloger	Noyabr 2019-cu il
57	Fady Hanna	Misir	kişi	–	Fotoqraf, səyyah	Yanvar 2019-cu il
58	Varvara Jlutenko	Ukrayna	Qadın	16.05.1982	“Profil” jurnalının müxbiri	7-8 sentyabr 2010-cu il