Oxunma vaxtı:25 Saniyə
Rusiya və Ukrayna arasında növbəti girov mübadiləsi baş tutub.
Bu barədə Rusiyanın İnsan Hüquqları üzrə müvəkkili Yana Lantratova məlumat verib.
Onun sözlərinə görə, mübadilə nəticəsində Ukraynada saxlanılan 7 Rusiya vətəndaşı ölkəsinə qaytarılıb. Onlardan beşi Kursk vilayətinin sakinləri, o cümlədən Sudja şəhərindən olan bir qadın, digər iki nəfər isə Rusiyanın başqa regionlarının sakinləridir.
Lantratova bildirib ki, razılaşma çərçivəsində eyni sayda – 7 nəfər də Ukraynaya təhvil verilib.
Qeyd edək ki, bundan bir gün əvvəl tərəflər arasında 160-a 160 formatında hərbi əsir mübadiləsi də həyata keçirilmişdi.
