Oxunma vaxtı:23 Saniyə
İran və Azərbaycan arasındakı münasibətlər çoxşaxəlidir.
Bunu İran xarici işlər nazirinin müavini, həmçinin bu ölkənin Xarici İşlər Nazirliyinin (XİN) Siyasi və Beynəlxalq Araşdırmalar Mərkəzinin rəhbəri Səid Xətibzadə Beynəlxalq Münasibətlərin Təhlili Mərkəzində (BMTM) keçiriləcək görüşdən öncə jurnalistlərə açıqlamasında deyib.
O qeyd edib ki, bölgədə İran və Azərbaycan qədər bir-birinə sıx bağlı olan başqa iki ölkə yoxdur:
“Xalqlarımız da bir-birinə çox bağlıdır. İki ölkə arasında yaranan hansısa süni maneələri aradan qaldırmağa, münasibətləri öz məcrasına qaytarmağa çalışırıq”.
