ABŞ prezidenti Donald Tramp Truth sosial şəbəkəsində Papa kimi geyinmiş şəklini yerləşdirib. Xatırladaq ki, bu yaxınlarda ABŞ-ın respublikaçı senatoru Lindsey Graham Trampın növbəti Papa ola biləcəyini bildirib.
Tramp Ağ Ev qarşısında jurnalistlərə Katolik Kilsəsinin növbəti rəhbəri olmaq istədiyini söyləyib və “bu mənim bir nömrəli seçimim olardı” deyib.
Daha sonra siyasətçi zarafat etdiyini açıqlayıb. “Növbəti pontifik kimi kimi görürsünüz” sualına Tramp heç bir namizədə üstünlük vermədiyini, lakin Nyu York arxiyepiskopu Timoti Dolanın adını çəkərək “onun çox yaxşı” olduğunu deyib.
Amma sözügedən din xadimi Nyu Cersi arxiyepiskopu kardinal Cozef Tobindən fərqli olaraq papa taxtına namizədlər siyahısında deyil. İndiyədək pontifiklər arasında bir dənə də olsun ABŞ vətəndaşı olmayıb.
