Oxunma vaxtı:27 Saniyə
Rusiya və Türkiyə prezidentləri Vladimir Putin və Rəcəb Tayyib Ərdoğan arasında Slovakiyaya qaz tədarükü ilə bağlı danışıq hələlik planlaşdırılmır.
Bunu Rusiya prezidentinin mətbuat katibi Dmitri Peskov deyib.
“Danışıq hələlik planlaşdırılmır, lakin Putin və Ərdoğan danışıqları bir neçə saat ərzində razılaşdıra bilirlər, buna görə də ehtiyac yaranarsa, bu baş tutacaq. Bu, daha çox bizim qaz tədarükçülərimizə, texnologiya baxımından “Qazprom”a aiddir”, – o, Ankaradan iki prezident arasında telefon danışığı ilə bağlı sorğunun daxil olub-olmaması barədə sualı şərh edərkən bildirib.
Daha əvvəl Ərdoğan Putinlə Slovakiyaya qaz tədarükünün perspektivlərini müzakirə etmək niyyətində olduğunu bildirmişdi.
