Oxunma vaxtı:24 Saniyə
“Bu gün müzakirələrimiz konteksində bölgədə olan son inkişaflar, Ermənistan-Azərbaycan postmünaqişə dövründə sülh gündəliyi barədə məlumat verdim”.
Bunu Azərbaycan xarici işlər naziri Ceyhun Bayramov Monteneqronun Baş nazirinin müavini, xarici işlər naziri Ervin İbrahimoviç ilə birgə mətbuat konfransında deyib.
Nazir bildirib ki, o cümlədən Vaşinqton Birgə Bəyannaməsi çərçivəsində əldə olunmuş razılaşmalar, ondan sonra atılan addımlar və bizim Ermənistandan olan gözləntilərimiz barədə də məlumat verib.
“Azad edilmiş ərazilərdə görülmüş bərpa quruculuq işləri barədə həmkarıma məlumat verdim”, – Ceyhun Bayramov əlavə edib.
