Oxunma vaxtı:22 Saniyə
Bu gün saat 09 radələrində Qəbələ rayonunun Nohurqışlaq kəndi ərazisində ağır yol qəzası baş verib.
Hadisə vaxtı “Mercedes” və “VAZ-2107” markalı avtomobillər toqquşub. Nəticədə “VAZ”ın sürücüsü 1964-cü il təvəllüdlü Ağamalı Xanalıyev aldığı xəsarətlərdən ölüb. “Mercedes”in sürücüsü 30 yaşlı Elgün Məmmədzadə və iki sərnişini isə yaralanıb.
DİN-in Mətbuat xidmətinin Şəki regional qrupundan bildirilib ki, ölüm və xəsarətlə nəticələnən yol-nəqliyyat hadisəsi ilə bağlı cinayət işi başlanılıb, araşdırmalar aparılır.
