Oxunma vaxtı:27 Saniyə
Bakının Nizami rayonunda yüksəkgərginlikli elektrik xəttində baş vermis təhlükəli qəza ilə bağlı “Azərişıq” ASC açıqlama verib.
Qurumun mətbuat xidmətindən Oxu.Az-a bildirilib ki, qəza baş verəndən sonra təmir-bərpa briqadaları əraziyə yollanıb.
“İstehlakçıların keyfiyyətli və dayanıqlı elektrik enerjisi təchizatının kəsilməməsi üçün dairəvi sxem üzrə abonentlər ehtiyat xətt vasitəsi ilə elektrik enerjisi ilə təmin edilib. Hazırda qəza baş verən ərazidə bütün abonentlərin elektrik enerjisi təchizatı qaydasındadır. Əməkdaşlarımız ərazidə çalışır və qarşıdakı saatlarda qəza baş verən xətt təmir edilərək istismara veriləcək”, – deyə qurumun açıqlamasında deyilib.
