ABŞ Silahlı Qüvvələrinin Yaxın Şərqdəki obyektlərinə zərbələr endiriləcək.
Bu barədə İran mediası İslam İnqilabı Keşikçiləri Korpusunun (SEPAH) bəyanatına istinadən məlumat yayıb.
SEPAH-ın bəyanatında həmçinin “İranın rəqiblərinə” dəstək verən region ölkələrini xəbərdar edib ki, öz siyasətlərini dəyişməsələr, Tehranın sərt cavabı ilə üzləşəcəklər.
Bundan əlavə, SEPAH-dan bildirilib ki, ötən gecə iki neft tankeri ABŞ aviasiyasının dəstəyi ilə Hörmüz boğazının cənubundakı marşrutla keçməyə cəhd edib, lakin bu cəhdin qarşısı alınıb.
Qeyd edilib ki, Hörmüz boğazı İranın Hərbi Dəniz Qüvvələrinin tam nəzarəti altındadır. Eyni zamanda bildirilib ki, regionda dəniz daşımalarına ABŞ tərəfindən təhdidlər və müdaxilələr davam etdiyi müddətcə boğaz açıla bilməz.
