“Məsud Pezeşkianın soyadını “yan” sonluğu ilə yazanlar bunu qəsdən edirlər!” – Çingiz Abdullayev

DogruSozTv Az
Oxunma vaxtı:51 Saniyə

Azərbaycan Yazıçılar Birliyinin (AYB) I katibi, Xalq yazıçısı Çingiz Abdullayev İranda növbədənkənar prezident seçkilərinin 2-ci turuna keçən azərbaycanlı namizəd Məsud Pezeşkianla bağlı açıqlama verib.

Çingiz Abdullayevin sözlərinə görə, bəzi mətbuat orqanları və maraqlı qüvvələr Məsud Pezeşkianın soyadını bilərəkdən səhv yazırlar. Yazıçı həmin qüvvələri təxribatçı adlandırıb:

“Onun Azərbaycan soyadı belə yazılır – Pezeşkian. Bəziləri bilərəkdən onun soyadını “yan” sonluğu ilə yazır – Pezeşkiyan, lakin bu, qəsdən edilən təxribatdır. Onun atası azərbaycanlıdır. Məsud özü məşhur ürək cərrahıdır, iki dəfə İranın səhiyyə naziri, parlamentin vitse-spikeri vəzifələrində çalışıb, Təbriz Universitetinin prezidenti seçilib. Həyat yoldaşı və bir övladı avtomobil qəzasında dünyasını dəyişdikdən sonra bir daha evlənməyib və qalan üç övladını – iki oğlu və bir qızını tək böyüdüb. İran-Türkiyə Dostluq Cəmiyyətinin üzvü, Quran müəllimidir. Ümid etmək istəyirəm ki, o, İranda prezident seçkilərinin ikinci turunda qalib gələ biləcək”.

Xatırladaq ki, iyulun 5-də İranda növbədənkənar prezident seçkilərinin 2-ci turu keçiriləcək.

İkinci tura keçən Səid Celili (İran ali rəhbərinin Təhlükəsizlik Şurasındakı nümayəndəsi) və Məsud Pezeşkian (parlamentin deputatı, keçmiş səhiyyə naziri) prezidentlik uğrunda mübarizə aparacaq.

Loading

Next Post

Gələn həftədən məktəbəhazırlıq qruplarına qəbul başlayır

İyulun 11-də saat 11:00-dan 2024-2025-ci tədris ili üzrə ümumi təhsil müəssisələrinin məktəbəhazırlıq qruplarına qəbul üçün qeydiyyata start verilir. Qeydiyyat mektebeqebul.edu.az elektron sistemi üzərindən həyata keçiriləcək. Azərbaycan bölməsi üzrə məktəb və müəllim seçimi 16 iyul saat 11:00-da, tədris digər dillərdə aparılan bölmələr üzrə məktəb və müəllim seçimi isə 18 iyul saat […]