İranda SEÇKİ HAZIRLIĞI – Yeni Prezidentin dönəmində Azərbaycanla münasibətlər DƏYİŞƏCƏKMİ?

DogruSozTv Az
Oxunma vaxtı:1 Dəqiqə, 3 Saniyə

Son dövrlərdə İran və Azərbaycan arasında münasibətlərin normallaşması iki ölkə arasında əməkdaşlığın inkişafı üçün yeni fürsətlər yaradıb.

Lakin İranın mərhum prezidenti Rəisinin helikopter qəzasında vaxtsız həlak olmasından sonra iki ölkə arasında əməkdaşlığın gələcək perspektivləri ilə bağlı müəyyən suallar yaranıb.

Digər tərəfdən, Rəisinin həyatını itirməsindən sonra İranda növbədənkənar prezident seçkilərinin keçiriləcəyi elan olunub.

Bəs maraqlıdır, yeni Prezidentin hakimiyyəti dövründə İranın Azərbaycanla münasibətlərində hansısa dəyişiklik olacaqmı?

“Orta Doğu” Araşdırmalar Mərkəzinin rəhbəri Sədrəddin Soltan mövzu ilə bağlı Bizim.Media-ya danışıb. O bildirib ki, Rəisinin yerinə kim gəlirsə, gəlsin, reallıq indiki vəziyyətdə davam edəcək:

“Çünki Prezident və hökumət dövlətin xarici siyasi konsepsiyasını hazırlamır. XİN müxtəlif təkliflərlə çıxış edə və xarici siyasi konsepsiyasın hazırlanmasında iştirak edə bilər. Bütün bunlar hamısı Əli Xameneinin rəhbərlik etdiyi Ali Rəhbərlik İnstitutu tərəfindən təsdiqlənir, yönəldilir, nəzarət olunur.

Seyid Əli Xameneinin ətrafında xarici siyasəti yönəldən qurum var. Məsələn, Xameneinin beynəlxalq məsələlər və xarici siyasət üzrə müşaviri var. Bütün bu qurumlar xarici siyasət məsələlərini hazırlayır, hökumət icra edir, hökumətin tərkibində icra funksiyasını XİN həyata keçirir.

Prezident bütövlükdə siyasi kabinetin fəaliyyətinə, icrasına nəzarət edə bilir. Prezident heç bir xarici siyasi əlaqələri nə qurur, nə də pozur. Çünki buna nə gücü var, nə səlahiyyəti. Prezident ayrı-ayrı məqamlarda müxtəlif açıqlamalar, bəyanatlar verə bilər. Lakin bu, münasibətlərin dəyişməsinə əsaslı təsir göstərmir”.

Bizim.Media

Loading

Next Post

BDU-da SABAH qrupları ləğv olunur, qəbul bu universitetdə olacaq

Növbəti tədris ili üçün Bakı Dövlət Universitetinin Hüquqşünaslıq fakültəsində SABAH qruplarına qəbul aparılmayacaq. Bu barədə Elm və Ali Təhsil üzrə Dövlət Agentliyi məlumat yayıb. Qeyd edilib ki, Hüquqşünaslıq fakültəsinin SABAH qruplarına qəbulun yalnız Qarabağ Universitetində aparılması nəzərdə tutulub. Eyni zamanda, bildirilib ki, BDU-da digər ixtisaslar üzrə SABAH qrupları fəaliyyətini davam […]