Prezident İlham Əliyev: İlin sonuna qədər Laçında bir neçə min sakin yaşayacaq

Hafiz Əliyev
Oxunma vaxtı:37 Saniyə

Mayın 28-dən Laçının dirçəliş dövrü başlamışdır. O vaxtdan bu günə qədər 1000-ə yaxın Laçın sakini şəhərdə məskunlaşmış və ilin sonuna qədər 900 ailə üçün evlər hazır olacaq.

APA xəbər verir ki, bunu Prezident İlham Əliyev Həkəri çayının sahilində keçirilən “Laçın Şəhəri Günü” bayram tədbirində çıxışı zamanı deyib.

Bu ilin sonuna qədər bir neçə min həm şəhər sakininin, həm kənd sakininin Laçında yaşayacağını bildirən dövlətimizin başçısı bunun böyük xoşbəxtlik olduğunu deyib: “Bu xoşbəxtliyi bizə bəxş edən bizim müzəffər Silahlı Qüvvələrimizdir. Fürsətdən istifadə edərək bütün şəhidlərimizin əziz xatirəsini hörmətlə yad edir, onlara Allahdan rəhmət diləyirik. Onların qanı-canı bahasına, qəhrəman övladlarımızın şücaəti hesabına bu gün biz buradayıq, bu gün biz doğma torpağımızda bayram şənlikləri keçiririk. Bundan böyük xoşbəxtlik ola bilməz”, – deyə Prezident qeyd edib.

Loading

Next Post

Azərbaycan Ordusunun zabiti vəfat edib

Türkiyədə uzun müddət onkoloji xəstəlikdən müalicə olunan Azərbaycan Ordusunun zabiti, 1985-ci il təvəllüdlü tibb xidməti mayoru Rövşən Üzeyir oğlu Məmmədov vəfat edib. Bu barədə Azərbaycan Müdafiə Nazirliyindən bildirilib. Nazirliyin rəhbərliyi vəfat edən hərbi qulluqçumuzun ailəsinə və yaxınlarına dərin hüznlə başsağlığı verir, səbir diləyir.