Uşaqlara iştahaartırıcı dərman vermək olar? – AÇIQLAMA

Hafiz Əliyev
Oxunma vaxtı:49 Saniyə

“Uşaqların sağlam və düzgün qidalanması mövsümə görə yox, hər zaman ciddi nəzarətdə saxlanılmalıdır”.

Oxu.Az xəbər verir ki, bu fikirlər Səhiyyə Nazirliyinin mütəxəssis-eksperti, pediatr Əkbər Quliyev bu gün Nazirliyin rəsmi “Instagram” səhifəsində canlı yayımda yay aylarında uşaqların qidalanması ilə bağlı danışarkən deyib.

Ekspertin sözlərinə görə, yay aylarında isə qidalanmaya xüsusi diqqət etmək şərtdir:

“Qidaların hansı şərait və qaydada saxlanmasına diqqət etmək lazımdır. Çünki yay mövsümündə bəzi fastfud, kremli qidalar, göbələk məhsullarının saxlanma şəraitinə ciddi fikir verilməyə bilir. Bu səbəbdən də uşaqların həmin qidalardan istifadəsinə icazə vermək olmaz.
Ümumiyyətlə çox qida istehlakı sağlamlıq demək deyil. Artıq yemək qəbulu orqanizm üçün zərərlidir. Yayda isti hava şəraiti insanda iştahasızlıq yarada bilir. Bu, normaldır. Ona görə də yüngül həzm edilən qidalara üstünlük verilməsini tövsiyə edirik. Buna ağartı məhsullarından qatıq, ayran, eləcə də tərəvəz və zülallı qidaları aid etmək olar.

Yayda çəki itkisinin olması da təbiidir, bu, xəstəlik əlaməti olaraq qiymətləndirilməməlidir. Uşaqlara isə iştahasızlığın qarşısını almaq üçün əlavə iştahaartırıcı və ya vitamin verməyə ehtiyac yoxdur”.

Loading

Next Post

Nazirlər Kabinetində boyukqayidish.gov.az portalının icmal təqdimatı keçirilib

Bu gün Nazirlər Kabinetində “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” ilə bağlı iclas keçirilib. Dövlət Proqramında nəzərdə tutulmuş işlər üzrə əsas icraçı orqanların rəhbərlərinin müavinlərindən ibarət məsul şəxslərin iştirak etdiyi iclasda Proqramın icra vəziyyətinə nəzər yetirilib, boyukqayidish.gov.az portalının icmal təqdimatı olub. “Report” xəbər verir ki, Nazirlər Kabineti […]