Türkiyənin Sudanın paytaxtı Xartum şəhərindəki səfiri İsmail Çobanoğluna hücum olub.
Dogrusoztv.az bu barədə Türkiyə mediasına istinadən xəbər verir.
Bildirilir ki, səfirin avtomobili atəşə tutulub. Hadisə nəticəsində ölən və yaralanan olmayıb.
Xatırladaq ki, aprelin 15-də Sudan Silahlı Qüvvələri və Çevik Reaksiya Qüvvələri (RSF) arasında döyüş başlayıb və nəticədə ölkədə daxili qarşıdurma yaranıb. Tərəflər bu müddət ərzində bir-birinin ardınca elan etdikləri atəşkəs qərarlarının heç birinə əməl etməyiblər. İndiyədək ölkədə 700 nəfər ölüb. Aprelin sonunda elan edilən atəşkəsdən sonra xarici dövlətlər öz vətəndaşlarını təxliyə etməyə başlayıb. Birləşmiş Millətlər Təşkilatının humanitar əlaqələr qurumları ölkədəki fövqəladə vəziyyətə diqqət çəkib.
363 total views
