Almaniya səfiri “Azərsu”ya çağırış edib

Oxunma vaxtı:58 Saniyə

“Çox şadam ki, Almaniya dayanıqlı inkişaf məsələsinə töhfə verir. Biz azad bazar iqtisadiyyatına inanırıq”.

“Report” xəbər verir ki, bunu Almaniyanın Azərbaycandakı səfiri Volfang Manig Bakıda Almaniya-Azərbaycan Ticarət Palatasının təşkilatçılığı ilə keçirilən və su infrastrukturunun davamlı inkişafına həsr edilmiş “Davamlılıq Forumu 2021” tədbirində bildirib.

“Dövlət subsidiyalarından aslı olan və nəticə etibarilə yerli icmalarla təmas qura bilməyən, iqtisadiyyat üçün ağır yük olan iri şirkətlərin əhəmiyyətinə inanmırıq:. Almaniyada ixtisaslaşmış şirkətlər öz sahələri üzrə fəaliyyət göstərməklə dünya öndərlərinə çevrilib. Almaniya-Azərbaycan Ticarət Palatasına gəldikdə isə inanırıq ki, biz həm mərkəzi hökumət, həm də bələdiyyə qurumları səviyyəsində bu məsələ ilə bağlı əməkdaşlıq edə biləcəyik. Bir nümunə çəkim. Mən Bakının Badamdar qəsəbəsində yaşayıram. Orda su xəttində sızma baş vermişdi. Sızmanın həcmi o qədər böyük idi ki, nəticə etibarilə təmiz su itkisinə səbəb olmaqla yanaşı, yol boyu hərəkəti dayandırmışdı. Halbuki sızmanın qarşısını alan cihazların quraşdırılması bununla bağlı halların qarşısını tam almağa imkan verir. İnnovasiyaları təmin etmək üçün vəsait ayırmaq lazımdır. Almaniya şirkətlərini inandırmaq çətindir. Onlar deyirlər ki, struktur şəffaf olmalıdır, Ona görə Azərbaycandan olan tərəfdaşlara o cümlədən “Azərsu” ASC-yə səslənərək demək istəyirəm ki, gəlin səylərimizi birləşdirməklə şəffaf və təmiz içməli su təminatına nail olaq”, – o deyib.

 238 total views

Müəllif

Seyid İsmayıl Abbasov

Doğrusöztv.Az və Doğru Söz qəzetin Təsisçisi və Baş Redaktoru
Next Post

Doğum günündə müharibəyə çağırılan jurnalist

“Həqiqi hərbi xidmətdən qayıdandan sonra tez-tez yuxularımda ikinci dəfə hərbi xidmətə getdiyimi görürdüm”. Bunu “Report”a müsahibəsində “Oxu.az”ın əməkdaşı, Vətən müharibəsi iştirakçısı Aqşin Kərimov deyib. Onun sözlərinə görə, içində hər zaman yenidən döyüşlərdə iştirak edəcəyinə dair hisslər olub: “Yuxumda sanki ilahi bir qüvvə mənə bu döyüşlərdə iştirak etməli olduğumu deyirdi. Əslində, belə şeylərə çox […]