Heydər Əliyev Fondu 100 minədək ailəyə sovqat göndərir (FOTO)

Oxunma vaxtı:1 Dəqiqə, 45 Saniyə

Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın təşəbbüsü ilə aztəminatlı və digər həssas qruplardan olan ailələrə Dünya Azərbaycanlılarının Həmrəyliyi Günü və Yeni il bayramı münasibəti ilə sovqatların çatdırılmasına başlanılıb.

Doğrusöztv.Az Trend-ə istinadən bildirir ki, Heydər Əliyev Fondunun və “Regional İnkişaf” İctimai Birliyinin həyata keçirdiyi aksiya respublika üzrə 100 minədək ailəni əhatə edəcək. Bura aztəminatlı ailələrlə yanaşı, sağlamlıq imkanları məhdud uşaqlar, 5 və daha artıq uşaqlı, Ermənistanın hərbi təcavüzü zamanı dəymiş zərərlər nəticəsində evlərini tərk edən ailələr daxildir.

Ərzaq məhsullarından ibarət sovqatların vətəndaşlara çatdırılması mövcud karantin rejiminin tələblərinə əməl olunmaqla, Əmək və Əhalinin Sosial Müdafiəsi Nazirliyinin dəstəyi ilə həyata keçirilir. “Regional İnkişaf” İctimai Birliyinin könüllüləri aksiyanın həyata keçirilməsində yaxından iştirak edirlər.

Sovqatların paylanılması dekabrın sonunadək davam edəcək.

Qeyd edək ki, aztəminatlı ailələri və xüsusi qayğıya ehtiyacı olan şəxsləri daim diqqətdə saxlayan Heydər Əliyev Fondu onlarla bağlı mütəmadi olaraq müxtəlif layihələr həyata keçirir. İndiyədək respublika üzrə sosial yardım alan ailələrə Yeni il, Novruz və Ramazan bayramlarında sovqatlar çatdırılıb, sosial yardıma ehtiyacı olan minlərlə şəxs üçün bayram süfrələri təşkil edilib, hədiyyələr verilib. Eləcə də yeni növ koronavirus (COVID-19) pandemiyası ilə əlaqədar ölkədə elan olunmuş xüsusi karantin rejimi dövründə evdən çıxması qadağan edilən yaşı 65-dən yuxarı tənha yaşayan şəxslərə və “Biz birlikdə güclüyük” layihəsi çərçivəsində aztəminatlı ailələrə ərzaq payları çatdırılıb.

Dünya Azərbaycanlılarının Həmrəyliyi Günü və Yeni il bayramı münasibəti ilə ailələrə çatdırılan bayram sovqatı qutusuna aşağıdakılar daxildir:

s/sMəhsulun adıMiqdar (ədəd)
1Çay (“Azərçay” və ya “Final”, 800 qr)1
2Qənd (“Azərşəkər” və ya“Gülüm”, 800 qr)2
3Şəkər tozu (“Richmond”, ”Azərşəkər” və ya “Evim”, 800 qr)2
4Düyü (“Richmond” və ya “Domaşneye”, 800 qr)3
5Bulqur (“Mizzo”, 800 qr)1
6Makaron (“Karmen”, “Doymak”, “Makara” və ya “Nova mak”)2 kq
7Vermişel (“Karmen”, “Doymak”, “Makara” və ya “Nova mak”)2 kq
8Mərcimək (“Mizzo”, 800 qr)1
9Günəbaxan yağı (“Evim”, “Final və ya Yurdum”, 1 lt)1
10Əridilmiş yağ (“Ana bala”, 1.745 kq)1
11Un (“Karmen”,“Doymak”, “Oman” və ya “Fellini”)3 kq
12Tomat pastası (“Blendo”, 275 qr)1
13Duz (“Salute”, 1 kq)1
14Konfet (“Karamel-ka”, “Estella”, “Assorti” və ya “Kometa”, 1 kq)1
15.Toyuq (“Mərcan”, “Giləzi”, “Lebro”, “Siyəzən”, “Şəfa” və ya “Dəvəçi toyuqları”, 1.2-1.4 kq)2
Heydər Əliyev Fondu 100 minədək ailəyə sovqat göndərir (FOTO) - Gallery Image
Heydər Əliyev Fondu 100 minədək ailəyə sovqat göndərir (FOTO) - Gallery Image

 598 total views

Müəllif

Seyid İsmayıl Abbasov

Doğrusöztv.Az və Doğru Söz qəzetin Təsisçisi və Baş Redaktoru
Next Post

Bu hərbi qulluqçuların uşaqlarına sosial müavinət veriləcək

Milli Məclisin bu gün keçirilən iclasında “Sosial müavinətlər haqqında” Azərbaycan Respublikasının Qanununda dəyişiklik edilməsi birinci oxunuşda müzakirə edilib. Doğrusöztv.Az Trend-ə istinadən bildirir ki, qanuna dəyişiklikdə müddətli həqiqi hərbi xidmətdə olan hərbi qulluqçuların uşaqlarına da sosial müavinət verilməsi təklif edilir. Bununla bağlı qanuna aşağıdakı dəyişikliklər təklif edilir: “4.0.1.8. müddətli həqiqi hərbi […]