Polad Bülbüloğlu: Təxribatlara layqili cavab vermək üçün biz bir yerdə olmalıyıq

Oxunma vaxtı:1 Dəqiqə, 18 Saniyə

Azərbaycanın Rusiyadakı fövqəladə və səlahiyyətli səfiri Polad Bülbüloğlu Rusiyada yaşayan həmvətənlərimizə müraciət edib.

Doğrusöztv.Az Trend- ə istinadən bildirir ki, Müraciətdə deyilir:

“Əziz həmvətənlər!

Ötən gün Azərbaycanın Birinci vitse-prezidenti hörmətli Mehriban xanım Əliyeva bütün azərbaycanlılara müraciət edib və bu günlərdə öz səsini və Azərbaycan bayrağını qaldıran hər kəsə təşəkkür edib. Onun müraciəti baş verən vandalizm aktlarına görə ağrı, Azərbaycanı təmsil edənlərə qayğı, zorakılığın qəzəblə pislənməsi və ağıla çağırışla doludur.

Mən qadının, ananın, dövlət xadiminin bu müraciəti ilə diqqətlə tanış olmaq, sözlərinin mənasını dərindən dərk etmək xahişi ilə Rusiyada yaşayan soydaşlarımıza müraciət edirəm.

Mehriban xanım Əliyeva son hadisələrə siyasi qiymət verib və vurğulayıb ki, baş verən hadisələr Ermənistanın təcavüzkar siyasətinin dinc Azərbaycan əhalisi üçün nə qədər ciddi təhlükə olduğunu və bu həqiqətin dünya ictimaiyyətinə çatdırmağın bizim borcumuz olduğunu əyani şəkildə göstərir.
Müraciətdə qeyd edilir ki, bu gün bizim əsas vəzifəmiz birləşmək və zorakılıq aktlarının ədalətli araşdırılmasını və günahkarların məsuliyyətə cəlb olunmasını tələb etməkdir. O, xüsusi ilə vurğulayıb ki, heç bir təxribat bizi həqiqət yolundan dönməyə məcbur edə bilməz.

Təxribatlara layiqli cavab vermək üçün, eyni zamanda küçə döyüşlərinin səviyyəsinə düşməmək üçün biz bir yerdə olmalıyıq. Mübarizəmiz istisnasız olaraq hüquqi müstəvidə aparılmalıdır.

Siz Rusiyada yaşayırsınız, çoxunuz bu Böyük ölkənin vətəndaşısınız. Sizdən xahiş edirəm ki, buradakı qanunlara və qaydalara riayət edin. Pandemiya şəraitində ədalətli mübarizəmiz üçün özünüzü qoruyun. Xoşagəlməz vəziyyətə düşməmək üçün qanunları pozmayın, ona görə ki, bizim sizinlə bir məqsədimiz var – bu, Vətəni müdafiə etmək, onun ərazi bütövlüyünü və tarixi həqiqətləri bərpa etməkdir.
Biz soydaşlarımızın vətənpərvər əhval-ruhiyyəsi ilə fəxr edirik. Ədalət bizim tərəfimizdədir və o, mütləq zəfər çalacaq!!!

Mən Sizinləyəm!”.

 879 total views

Müəllif

Seyid İsmayıl Abbasov

Doğrusöztv.Az və Doğru Söz qəzetin Təsisçisi və Baş Redaktoru
Next Post

Fransalı parlamentarilər Ermənistanın işğalçı siyasətinə son qoyulmasına çağırış edib (FOTO)

Fransa-Azərbaycan Dostluq Qrupunun üzvləri olan deputatlar və senatorlar Azərbaycan-Ermənistan sərhəddində Ermənistan tərəfindən törədilmiş təxribat əməlləri ilə bağlı ölkə prezidendi Emmanuel Makrona müraciət ünvanlayıb. Doğrusöztv.Az Trend-ə istinadən bildirir ki, deputatlar Guy Bricout, Jean Pierre Door, Jerome Lambert, Jean-Luc Reitzer, senatorlar Alain Houpert, Andre Reichardt tərəfindən imzalanmış müraciətdə Ermənistanın Azərbaycanın Dağlıq Qarabağ […]