Binəqədi rayonu ərazisində avtomobil yollarının yenidən qurulması ilə bağlı Azərbaycan Respublikası Prezidenti Sərəncam imzalayıb.

Oxunma vaxtı:43 Saniyə

Doğrsuzöztv.Az xəbər verir ki , Bakı şəhərinin Binəqədi rayonu ərazisində avtomobil yollarının yenidən qurulması işlərinin davam etdirilməsi ilə bağlı əlavə tədbirlər haqqında Azərbaycan Respublikası Prezidenti Sərəncam imzalayıb.

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

1. Bakı şəhəri Binəqədi rayonunun Biləcəri, M.Ə.Rəsulzadə və Xocəsən qəsəbələri ərazisində avtomobil yollarının yenidən qurulması işlərinin davam etdirilməsi məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”ndə avtomobil yollarının tikintisi və yenidən qurulması üçün göstərilmiş vəsaitin 2,85 milyon (iki milyon səkkiz yüz əlli min) manatı Azərbaycan Avtomobil Yolları Dövlət Agentliyinə ayrılsın.

2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.

3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

İlham Əliyev

Azərbaycan Respublikasının Prezidenti

Bakı şəhəri, 11 iyun 2020-ci il.

 2,429 total views

Müəllif

Seyid İsmayıl Abbasov

Doğrusöztv.Az və Doğru Söz qəzetin Təsisçisi və Baş Redaktoru
Next Post

Xalq artisti koronavirusdan vəfat edib? - RƏSMİ AÇIQLAMA

“Hazırda vida mərasiminin baş tutub-tutmayacağı ilə bağlı məlumatlar dəqiqləşdirilir. Hər hansı bir məlumat olsa, ictimaiyyətə açıqlama verəcəyik”. Doğrusöztv.Az bildirir ki, bu sözləri Big.Az -a açıqlamasında Mədəniyyət Nazirliyinin İctimaiyyətə əlaqələr və mətbuatla iş şöbəsinin müdiri Türkan Cəfərova deyib: “Teymur Mustafayevin karonavirusdan rəhmətə getməsi xəbəri doğru deyil. Ailəsi tərəfindən verilən məlumata əsasən […]