ABŞ dövlət katibi Azərbaycan xalqını Respublika günü münasibətilə təbrik edib

Oxunma vaxtı:41 Saniyə

ABŞ-ın Dövlət katibi Mayk Pompeo Azərbaycanı Respublika günü münasibətilə ABŞ hökumətinin adından təbrik edib.

Trend bu barədə ABŞ Dövlət Departamentinin saytına istinadən məlumat verir.

Təbrikdə qeyd olunur ki, ABŞ və Azərbaycan 30 il ərzində vacib tərəfdaşlıq münasibətlərini dəstəkləyir:

“Biz təhlükəsizlik, enerji və iqtisadi inkişaf, insan hüquq və azadlıqlarının müdafiəsi kimi vacib məsələlərlə məşğul oluruq. Biz Əfqanıstanda sülhün bərqərar olunması və “Cənub Qaz Dəhlizi” layihəsinin reallaşdırılması ilə Avropanın enerji təhlükəsizliyinin möhkəmlənməsi üzrə çiyin-çiyinə işləyirik. Ölkələrimiz dünyada mühüm problemlərin həllində əməkdaşlığı davam etdirir”.

M.Pompeo qeyd edib ki, ATƏT Minsk qrupunun həmsədr ölkəsi olaraq ABŞ əvvəlki kimi Dağlıq Qarabağ münaqişəsinin sülh yolu ilə nizamlanmasına sadiqdir:

“Bu il COVID-19 pandemiyası yeni çağırışların yaranmasına səbəb olsa da, mən əminəm ki, Azərbaycan xalqı bunun öhdəsindən cəsarətlə və qətiyyətlə gələcək. ABŞ Azərbaycanın yanındadır , ölkənin suverenliyini və müstəqilliyini dəstəkləyir”.

 344 total views

Müəllif

Seyid İsmayıl Abbasov

Doğrusöztv.Az və Doğru Söz qəzetin Təsisçisi və Baş Redaktoru
Next Post

Türkiyəli nazir Respublika Günü münasibətilə Azərbaycanı təbrik edib - FOTO

Türkiyənin Energetika və Təbii Ehtiyatlar naziri Fatih Dönməz 28 May – Respublika Günü münasibətilə Azərbaycanı təbrik edib. Doğrusöztv.Az Trend-ə istinadən bildirir ki, bunu Türkiyənin Energetika və Təbii Ehtiyatlar naziri Fatih Dönməz “Twitter” hesabında paylaşdığı təbrikdə deyib. “Qardaşımız, dostumuz, bir çox sahələrdə əməkdaşlıq etdiyimiz Azərbaycanı 28 May – Respublika Günü münasibətilə […]