Bakı-Sumqayıt yolunda inşa ediləcək yeni tunelin layihəsi tamamlanıb

Oxunma vaxtı:45 Saniyə

Bakı-Sumqayıt yolunun genişləndirilməsi ilə bağlı tədbirlər çərçivəsində tikilməsi planlaşdırılan yeni tunelin layihəsi tamamlanıb.

Doğrusöztv.Az bildirir ki, bu barədə Trend-ə açıqlamasında Azərbaycan Avtomobil Yolları Dövlət Agentliyinin (AAYDA) Mətbuat xidmətinin rəhbəri Anar Nəcəfli deyib.

Qurum rəsmisi bildirib ki, layihə təsdiqlənməsi üçün aidiyyəti qurumlara təqdim edilib:

“Layihə təsdiqlənən kimi tunelin tikintisi ilə bağlı işlərə start veriləcək. Tunel Bakı-Sumqayıt yolundan paytaxta girişdə tıxacların qarşısını almaq üçün nəzərdə tutulub. Tikilməsi planlaşdırılan tunel Bakı Beynəlxalq və Şəhərlərarası Avtovağzal Kompleksinin yanından Bakı Dairəvi -1 avtomobil yolunun altından keçməklə paytaxtın Yasamal rayonu, Şərifzadə küçəsinə çıxacaq. Bu da günün pik saatlarında Bakı şəhərinə Moskva prospektindən axının qarşısını alacaq”.

Xatırladaq ki, Prezident İlham Əliyevin tapşırığı ilə Bakı-Sumqayıt yolundakı tıxacların aradan qaldırılması məqsədilə “20 yanvar” küçəsindən Abşeron rayonunun Masazır qəsəbəsinə qədər olan hissəsində genişləndirilmə işlərinə başlanılıb. İşlərin artıq əsas hissəsi yekunlaşıb. Yolun həmin ərazidə olan hissəsində genişləndirilmə işləri mayın sonuna qədər tamamlanaraq istifadəyə veriləcək.

 385 total views

Müəllif

Seyid İsmayıl Abbasov

Doğrusöztv.Az və Doğru Söz qəzetin Təsisçisi və Baş Redaktoru
Next Post

Dövlət Komitəsi: Gender bərabərliyinin təminatı sahəsində bir çox tədbirlərin görülməsinə ehtiyac var

Azərbaycanda gender bərabərliyinin təminatı sahəsində görülmüş irimiqyaslı tədbirlərə baxmayaraq, hazırda bu sahədə bir çox tədbirlərin görülməsinə ehtiyac duyulur. Doğrusöztv.Az bildirir ki, bunu Trend-ə Ailə, Qadın və Uşaq Problemləri üzrə Dövlət Komitəsinin Qadın problemləri və gender məsələləri şöbəsinin müdir müavini Səbinə Talışinskaya deyib. O əlavə edib ki, Azərbaycanın qanunvericiliyində cinsi mənsubiyyətinə […]